Բուլդոզերը քանդել է հիվանդանոցի մի մասը՝ հիվանդների հետ միասին
Չինաստանի արևելքում՝ Չժենչժոու քաղաքում բուլդոզերը քանդել է գործող հիվանդանոցի և դրան կից գործող դիահերձարանի մի մասը: Այս մասին հայտնում է Associated Press-ը: Կատարվածի հետևանքով տուժել են հիվանդանոցի մի քանի աշխատակիցներ, վնասվել է մոտավորապես 20 մլն յուան (ավելի քան 3 մլն դոլար) արժողության սարքավորում: Բացի դրանից փլատակների տակ են հայտնվել դիահերձարանում գտնվող վեց դիեր: «Սա ծայրաստիճան անհարգալից վերաբերմունք է մահացած հիվանդների աճյունների նկատմամբ: Ես երբեք չեմ կարծել,թե նման բան կարող է կատարվել»,- հայտնել է հիվանդանոցի ներկայացուցիչ Չժան յուանը, գրում է Lenta–ն: Տեղական իշխանությունները ծրագրում են հարակից ճանապարհը ընդլայնել հաստատության տարածքի հաշվին, ու հիվանդանոցի ապամոնտաժումը դեռ մեկ տարի առաջ էր ծրագրված: Բաժանմունքների մի մասը արդեն տեղափոխվել էր, սակայն մի քանիսը դեռ գործում էին, իսկ դրանց աշխատակիցներին էլ չէին նախազգուշացրել շենքի մոտելուտ ապամոնտաժման մասին: Մինչդեռ նահանգի ղեկավարության ներկայացուցիչները հավաստիացնում են, որ հիվանդանոցի աշխատակազմին դեռ նախօրեին էին տեղեկացրել ծրագրվող ապամոնտաժման մասին: Բացի դրանից, նրանք վստահեցնում են, որ աշխատավորները հետազոտել էին շենքը մինչև դրա ոչնչացմանն անցնելը:
Հետևեք մեզ Viber-ում
