Շոփինգի ժամանակ հայտնի երգչուհուն կողոպտել են
Ռուս երգչուհի Մաշա Ռասպուտինան ստիպված մնացել է Թուրքիայում, քանի որ կողոպուտի ընթացքում գողացել են նրա փաստաթղթերը, հայտնում է Prozvezd.info լրատվականը:
Երգչուհին այցելած է եղել տեղի թանկարժեք խանութներից մեկը, ընտրել մի քանի իրեր եւ գնացել վերցրած իրերը փորձելու՝ պայուսակը թողնելով սրահում դրված սեղանիկի վրա։ Մինչ երգչուհին նոր գնած իրերն է փորձել, պայուսակը գողացել են։ Ռասպուտինան միանգամից դիմել է բանկ, խնդրելով արգելափակել քարտերը, որպեսզի գողերը չկարողանան քարտերի վրայից գումար հանել։
«Ասել են , որ երկրից դուրս գալու համար տեղեկանք է հարկավոր Ռուսաստան վերադառնալու համար: Մարիա Նիկոլաեւնան արդեն դիմում է գրել եւ խոստացել են այն պատրաստել երեք-չորս աշխատանքային օրվա ընթացքում», - ասել է երգչուհու ամուսինը:
Հետևեք մեզ Viber-ում
