Պայթյուն զինամթերքի պահեստներից մեկում. կա 2 զոհ, շուրջ 60 վիրավոր

Newsru.com-ը՝ վկայակոչելով Աբխազիայի պաշտոնական գերատեսչությունները հայտնում են,որ Աբխազիայի պաշտպանության նախարարության զինամթերքի պահեստներից մեկում պայթյուն է տեղի ունեցել, ինչի հետևանքով զոհվել է 2 մարդ, առնվազն 60-ը վիրավորվել են:  Զոհվել են երկու ռուս զբոսաշրջիկներ: Վիրավորներից 28-ը տեղափոխվել է հիվանդանոց: «Պայթյունի ժամանակ երեք կին ձիերով զբոսնելիս են եղել զինամթերքի պահեստի շրջակայքում: Մահացած երկու կանանց մարմինները հայտնաբերվել է օգոստոսի 3-ի առավոտյան: Երրորդ կինը ձեռքի վնասվածքով տեղափոխվել է հիվանդանոց »,- լրագրողներին ասել է Աբխազիայի ԱԻՆ մամուլի խոսնակ Միզան Լոմիան: