Այսօրվա Ուկրաինայի տարածքում սկսել են ստեղծել հակառուսական անկլավ, որը սպառնում է Ռուսաստանի Դաշնությանը. Պուտին
ՌԴ նախագահ Վլադիմիր Պուտինը հայտարարել է, որ հատուկ ռազմական գործողության նպատակն է վերացնել հակառուսական անկլավը, որը ստեղծվում է Ուկրաինայի տարածքում, փոխանցում է «Ինտերֆաքսը»։
«Այսօրվա Ուկրաինայի տարածքում սկսել են ստեղծել հակառուսական անկլավ, որը սպառնում է մեր երկրին։ Հետեւաբար, այնտեղ կռվող մեր տղաները պաշտպանում են եւ՛ Դոնբասի բնակիչներին, եւ՛ հենց Ռուսաստանը։ Եվ սա, իհարկե, արժանի է ողջ հասարակության աջակցությանը»,- ասել է պետության ղեկավարը:
Նա կարճ պատմական էքսկուրս է կատարել դեպի անցյալ՝ նշելով, որ «Ուկրաինան երբեք պետականություն չի ունեցել մինչեւ Խորհրդային Միության ստեղծումը»։
«Չի եղել այդպիսի պետություն։ 1917 թվականի հեղափոխությունից հետո ստեղծվել են ամենատարբեր քվազիպետություններ, իսկ հետո Խորհրդային Միության կազմավորման ժամանակ առաջացել է նաեւ Ուկրաինան»,- ասել է Պուտինը։
Հետևեք մեզ Viber-ում
