Զախարովան հերքել է թուրք փոխնախարարի Հայաստանի վերաբերյալ հայտարարությունը

Հարավային Կովկասում տրանսպորտային հաղորդակցությունների ապաշրջափակման հարցի լուծումը հիմնված կլինի Հայաստանի և Ադրբեջանի տարածքային ամբողջականության նկատմամբ հարգանքի վրա։ Այս մասին իր հերթական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Մեկնաբանելով Թուրքիայի առևտրի փոխնախարար Ռեզա Թունա Թուրագայի հայտարարությունը, որ Անկարան Մոսկվայի հետ քննարկում է «Զանգեզուրի միջանցքի» բացման հարցը և ակնկալում է միջանցքի բացումը շատ մոտ ապագայում՝Զախարովան ասել է, որ տեղեկություն չունի այդ մասին: