Այլեւս կորցնելու ոչ մի բան չունենք, Նիկո՛լ, պատասխան ես տալու․ զոհվածի հայր (video)
Գերագույն գլխավոր հրամանատարից մինչեւ դասակի հրամանատար պետք է հարցաքննվեն: Այս մասին այսօր՝ օգոստոսի 30-ին դատախազության դիմաց ասաց 44-օրյա պատերազմում զոհված զինծառայող Ժորա Սահակյանի հայրը՝ Վահիդ Սահակյանը, որը եկել էր Գլխավոր դատախազության շենքի մոտ՝ պահանջելու՝ կալանավորել Նիկոլ Փաշինյանին։
Նրա կարծիքով՝ եթե անգամ Նիկոլ Փաշինյանը մեղավոր չէ, ապա պետք է ինքը մեղավորների անուններ հնչեցնի. «Մենք բազմիցս ենք հավաքվել գլխավոր դատախազության շենքի առջեւ՝ պահանջելով քրեական գործ հարուցել երկրի գերագույն գլխավոր հրամանատարի դեմ, անհապաղ ձերբակալել նրան ու հարցաքննել: Մենք դեռեւս որեւէ արդյունքի չենք հասել: Նորից պահանջում ենք, որ երկրի գլխավոր հրամանատարը կանգնի դատարանի առջեւ եւ պատասխանի այն հարցերին, որը հուզում է որդեկորույս ծնողներին»,- ասաց զոհվածի ծնողը:
Հետևեք մեզ Viber-ում
