Նիկոլն ու իր իշխանությունը իմացել են, որ մեզ սպառնում է պատերազմ, բայց քայլ չեն ձեռնարկել.Աբրահամյան (video)

Զինված ուժերի կազմաքանդման գործընթացի կսվել է շատ ավելի վաղ, 2018-ի հայտնի իրադարձություններից հետո, երբ ՀՀ-ում իշխանության եկավ այս որակի իշխանության: Այս մասին, այսօր՝ օգոստոսի 30-ին, Գլխավոր դատախազության դիմաց զոհված զինծառայողների հարազատների բողոքի ակցիայի ժամանակ լրագրողների հետ զրույցում նշեց «Պատիվ ունեմ» խմբակցության պատգամավոր Տիգրան Աբրահամյանը:

«ՊՆ-ի կազմաքանդումը սկսվեց այն ժամանակ, երբ 2018-ին ՊԲ հրամանատարի պաշտոնից սեփական ժողովրդի ազգային ազատագրական պայքարը պաշտպանելու համար պաշտոնից հեռացվեց Լեւոն Մնացականյանը: բանակի կազմաքանդումը սկսվեց այն ժամանակ, երբ զինվորականների համար ստեղծվեցին այնպիսի պայմաններ, որ մարդիկ թքեն եւ ուղղակի դուրս գան:

Մեր խնդիրներն սկսվել են այնտեղից, որ քաղաքական իշխանությունը տիրապետելով տեղեկատվության, որ ՀՀ-ի եւ Արցախի ուղղությամբ առկա է լայնամասշտաբ ռազմական գործողությունների մեծ սպառնալիք, երկիրը խաղաղից պատերազմական իրավիճակի չեն բերել: ԶՈՒ-ն ամբողջությամբ պատրաստ չի եղել Ադրբեջանի հարվածին»,-ասաց նա՝ հավելելով, որ Նիկոլ Փաշինյանը հաստատել է, որ պատերազմից առնվազն 2 օր առաջ հետախուզությունը ստացել է տեղեկատվություն, որ առկա է լայնամասշտաբ ռազմական գործողությունների սպառնալիք, եւ այդ պայմաններում զինված ուժերը լիարժեքորեն չեն բացազատվել:

Անդրադառնալով նոր նախաձեռնությանը, որը թույլ կտա զինակոչիկին ծառայել 4,5 ամիս եւ վճարել 24 մլն դրամ, Տիգրան Աբրահամյանն ասաց, որ սա գալիս է լրացնելու այն ավերիչ, հրեշավոր հետեւանքներ ունեցող այն գործընթացները, որոնք մենք տեսնում ենք 2018 թվականից հետո:

«Չի կարող երկրին ծառայությունը մեր հասարակությանը դնել այսպիսի բաժանման եւ բեւեռացման մեջ: Սա նաև սոցիալական հասարակությանն ուղղված մեծագույն հարված է: