Ռոգոզինին արգելվել է մուտք գործել Մոլդովա

Մոլդովայի իշխանությունները Ռուսաստանի փոխվարչապետ Դմիտրի Ռոգոզինին հայտարարել են անցանկալի անձ կամ «պերսոնա նոն գրատա»: Այդ մասին, ինչպես տեղեկացնում Է «Արմենպրես»-ը, հայտնել Է «ՌԻԱ Նովոստին»՝ վկայակոչելով հանրապետության նախարարների կաբինետին: Համապատասխան որոշումն ընդունվել Է կառավարության նիստում: «Առաջարկում եմ ՌԴ փոխվարչապետ Դմիտրի Ռոգոզինին պերսոնա նոն գրատա ճանաչել Մոլդովայում եւ նրան արգելել հատել մեր երկրի տարածքը»,-միջոցառման ժամանակ ասել Է հանրապետության արտաքին գործերի նախարար Անդրեյ Գալբուրը, նրան պաշտպանել Է նախարարների կաբինետի անդամների մեծամասնությունը: