Շոգն է՞ մեղավոր սպանությունների համար
«Վերջին շաբաթների ընթացքում մեր երկրում ավելացել են դաժան սպանությունների դեպքերը, սակայն չկա հստակ փաստ, որը կարող է ապացուցել կամ բացատրել, թե ինչով են պայմանավորված դրանք։ Հնարավոր է, որ շոգը դարձել է սթրեսի պատճառ»,- այսօր այս մասին ասաց հոգեբան Սամվել Խուդոյանը։Ըստ հոգեբանի՝ հետազոտություններ չկան, որ հանրությունը գնում է բացասական զարգացումների ուղղությամբ: «Առայժմ որեւէ հստակ կարծիք չկա, չկան կոնկրետ փաստեր, որ սոցիալ-տնտեսական վիճակն այնպիսին է, որ մարդիկ ավելի բռնկուն են դարձել»,-ասաց նա: Հոգեբանը նշեց, որ եթե համեմատենք 90-ականների հետ, ապա հիմա Հայաստանում շատերն են դիմում հոգեբանին և մեր երկրում զարգացում է ապրում այդ մշակույթը։ Կանայք ավելի շատ են վստահում հոգեբանին և ավելի զգայուն են, քան տղամարդիկ, իսկ ընտանիքի հետ կապված հարցերում հիմա թե տղամարդը, թե կինը դիմում են հոգեբանին Հոգեբանը խոսեց նաեւ հետարձակուրդային սթրեսներից: Ասաց`մարդիկ հիմա քիչ են հանգստանում: «Ամենալավ նշանը, որ հանգստացած ես եւ ոչ մի սթրես չկա, դա այն է, որ ուզում ես գալ աշխատանքի»,- ասաց նա:
Հետևեք մեզ Viber-ում
