Հայ օլիգարխների հանգիստը Մոնակոյում․ ինչն է եղել նրանց զվարճանքի թեման
Ավանդույթի համաձայն՝ հայ խոշոր գործարարները ինչպես Հայաստանից, այնպես էլ Ռուսաստանից այս օրերին իրենց հանգիստն են անցկացնում Հարավային Եվրոպայում, Միջերկրական ծովի ափին՝ Մոնակոյում։
Հայնգստի են մեկնել Սամվել Ալեքսանյանը/Լֆիկ/, Գագիկ Ծառուկյանը, ԲՀԿ-ական պատգամավոր Հրանտ Դավթյանը, ռուսաստանաբնակ գործարարներ Կարապետյան եղբայրները՝ Սամվել և Կարեն/Տաշիր/, և այլք։
Նրանք հանգստին զուգահեռ, մեր ունեցած տեղեկություններով՝ քննարկում են նաև ներհայաստանյան թեմաներ, մասնավորապես՝ Նիկոլ Փաշինյանի, նրա կառավարության, ձախողումների և թե ինչպես են Նիկոլն ու իր վարչախումը Հայաստանն ու Արցախը տանում կործանման։
Մեր ունեցած տեղեկություններով՝ ամենատխուր պահերին օգնության են հասնում Տիգրան Արզաքանցյանն ու իր տիկինը, ովքեր ավելի ուշ են միացել հայ օլիգարխներին։ Ասում են, որ նույնիսկ գործարարները կատակել են, թե եթե Տիգրան Արզաքանցյանի կինը՝ Նատալյա Ռոտենբերգը առաջադրվի առաջիկա ընտրություններում, նրանք բոլորը ամեն ինչ մի կողմ կդնեն և կպաշտպանեն տիկին Նատաշին, ինչն էլ նորաթուխ քաղաքական գործիչները լուրջ են ընկալել։
Հետաքրքրականն այն է, որ Սամվել Ալեքսանյանի կինը՝ Շողերինան, ով սոցցանցերում շատ հայտնի է, Մոնակոյի հանգստից ոչ մի լուսանկար չի հրապարակել։
Հետևեք մեզ Viber-ում
