Ինչպես պետք է հասնել Փաշինյանի հրաժարականին
«Հրապարակ օրաթերթը» գրում է․ Երբ մենք այս հռչակագիրը ընդունեցինք, դա շատ լուսավոր օր էր։ Լուսավոր օր էր մեր ազգի ապագայի ու ճակատագրի համար։ Իսկ այսօր մեզ համար շատ մութ օր է, քանի որ վարչապետը պրոթուրքական քաղաքականություն է վարում։ Այս մասին քիչ առաջ լրագրողների հետ զրույցում ասաց Սահմանադրական դատարանի նախկին անդամ Կիմ Բալայանը։
Հիշեցնենք, ՍԴ աշխատակազմի նախկին ղեկավար Էդգար Ղազարյանը այսօր՝ օգոստոսի 23-ին, Հայաստանի անկախության հռչակագրի ընդունման օրը նոր շարժում է սկսում, որի արդյունքում Փաշինյանը պիտի հրաժարական տա։
«Եթե ժողովուրդը ոտքի կանգնի, կհասնենք Փաշինյանի հեռացմանը։ Նախ պիտի ժողովուրդը ոտքի կանգնի, դա հաստատ է։ Թե ինչու մինչ այս չի հաջողվել ոտքի կանգնել, իմ համոզմամբ պատճառն այն էր, որ մեր ժողովուրդը պատերազմից հետո սգում էր, սգի մեջ էր, բազմաթիվ զոհեր ու վիրավորներ ունեինք։ Փաշինյանի հրաժականին պետք հասնել հանրահավաքներով, մասսայական միջոցառումներով»,- հավելեց նա։
Հետևեք մեզ Viber-ում
