Անհիմն որոշում.Վաշինգտոնը՝ՌԴ-ում ԱՄՆ դիվանագետների թվի կրճատման մասին

TASS գործակալությանը  Պետդեպի ներկայացուցիչը հայտնել է,որ  ամերիկյան վարչակազմն անհիմն է համարում Մոսկվայի որոշումը՝ Ռուսաստանում ամերիկյան դիվանագիտական ներկայության կրճատման մասին և այժմ վճռում է, թե ինչպես դրան արձագանքի։ Ռուսական ղեկավարությունը պահանջել է, որպեսզի Ռուսաստանում ԱՄՆ առաքելությունը մինչ սեպտեմբերի 1-ը կրճատի իր աշխատակազմը մինչև 455 աշխատողի։ «Դա ափսոսանք առաջացնող և ոչնչով չարդարացված քայլ է»,-ասել է նա։ Մոսկվան, ի պատասխան ԱՄՆ Կոնգրեսի կողմից նոր հակառուսական պատժամիջոցների ընդունման, ձեռնարկել է պատասխան միջոցառումներ։ Օգոստոսի 1-ից դադարեցվում է ԱՄՆ-ի դիվանագետների կողմից Մոսկվայի Դորոժնայա փողոցում պահեստային տարածքների և «Սերեբրյանի բոր»-ում առանձնատների օգտագործումը։