Արտակարգ իրավիճակ Թայվանում. տուժել է 103 մարդ

Հուլիսի 30-ին Թայվանում սկսված թայֆունի հետեւանքով 103 մարդ է տուժել։ Այս մասին գրում է «Gazeta.ru»-ն՝ հղում տալով CNA գործակալությանը։ Կղզու ավելի քան 8․7 հազար բնակիչներ են տարհանվել անվտանգ վայրեր։ Տարերքի հետեւանքով խափանվել է էլեկտրաէներգիայի մատակարարումը ամբողջ կղզու տարածքում։ Թայվանի EVA Air խոշորագույն մասնավոր ավիաընկերությունը հայտնել է իր 50 չվերթները չեղարկելու մասին այն բանից հետո, երբ մոտ 500 բորտուղեկցորդներ թայֆունի կապակցությամբ չեն ներկայացել աշխատանքի։ Դպրոցներն ու պետական հաստատությունները փակվել են, դադարեցվել է մետրոպոլիտենի որոշ ճյուղերի աշխատանքը, չեն աշխատում աղբահանության ծառայությունները։