Խոշոր վթար՝ Երևանում

Այսօր՝ հուլիսի 28-ին, ավտովթար է տեղի ունեցել Երևանում։ Ժամը 03։00-ի սահմաններում Վազգեն Սարգսյան փողոցի թիվ 7 հասցեի դիմաց բախվել են Երևան քաղաքի Վերին Շենգավիթ 10-րդ փողոցի բնակիչ՝ 25-ամյա Էդգար Շախիկյանի վարած Mercedes մակնիշի 32 LA 333 համարանիշի և Արմավիրի մարզի Լուսագյուղ գյուղի բնակիչ՝ 46-ամյա Արմեն Կիրակոսյանի վարած ВАЗ 2106 մակնիշի 34 FC 711 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով «06»-ի վարորդ Ա. Կիրակոսյանը մարմնական վնասվածքներով տեղափոխվել է թիվ 1 համալսարանական հիվանդանոց։ Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները։ Վթարի մասին ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փոխանցել է Ճանապարհային ոստիկանության Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է ավագ հետաքննիչ Անդրանիկ Իսախանյանը, ում կողմից փաստի առթիվ նյութեր են նախապատրաստվում։ Վարորդները ենթարկվել են բժշկական փորձաքննության. պարզվել է, որ «06»-ի վարորդ Ա. Կիրակոսյանը եղել է ոչ սթափ /խմած/ վիճակում։ Հետաքննիչի հանձնարարականով ավտոմեքենաները տեղափոխվել են Երևանի ՃՈ պահպանվող հատուկ տարածք։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: