Պատշգամբից ընկած 2-ամյա երեխան ստացել է գանգուղեղային և վերջույթների տրավմաներ. վիճակը ծանր է

Հուլիսի 27-ին արտակարգ դեպք էր տեղի ունեցել Երևանում: Ավան վարչական շրջանի Ծարավ աղբյուր փողոցի տներից մեկից  2-ամյա երեխա էր տեղափոխվել «Սուրբ Աստվածամայր» ԲԿ: Պարզվել էր, որ նշված տան 2-րդ հարկի պատշգամբի մոտ 2 ամյա երեխային օրորելու ժամանակ տատիկը գրկից անզգուշաբար պատշգամբից գցել է երեխային: Այս պահի դրությամբ երեխայի վիճակը ծանր է: Այս մասին տեղեկացրեցին «Սուրբ Աստվածամայր ԲԿ»-ից: Փոքրիկը ստացել է գանգուղեղային և վերջույթների տրավմաներ ու մի շարք կոտրվածքներ: