Էլինար Վարդանյանը շուտով կհամալրի Վանեցյանի թիմը

Մամուլում արդեն տեղեկություն հրապարակվեց, որ «Հայաստան» դաշինքի պատգամավոր Էլինար Վարդանյանը, ով դաշինքում համարվում է Արմեն Գեւորգյանի քվոտան, շուտով լքելու է «Հայաստան» դաշինքը։ Այդ մասին նա կհայտարարի սեպտեմբերի մեկնարկող ԱԺ աշնանային նստաշրջանի առաջին նիստում։

Ի դեպ, չի բացառվում, որ առաջիկայում Արմեն Գեւորգյանը, երբ կավարտվի իր հանդեպ հարուցված՝ ապօրինի գույքի բռնագանձնման գործի քննությունը, ինքն ընդհանրապես վայր դնի պատգամավորական մանդատը։ 

Իսկ Էլինար Վարդանյանն արդեն ամեն օր Վանեցյանի գրասենյակում է եւ այնտեղ զբաղվում է տարբեր իրավական խորհրդատվություններով։

Մենք արդեն գրել էինք, որ առաջիկայում Խաչատուր Սուքիասյան-Գագիկ Ծառուկյան դաշինք է ձւավորվելու եւ այդ դաշինքում է լինելու նաեւ Վանեցյանը՝ չի բացառվում՝ որպես վարչապետի միասնական թեկնածու։ Եւ ահա Էլինար Վարդանյանը, որպես նաեւ նախկին ԲՀԿ-ական, սահուն տեղափոխվում է այդ դաշտ: