Ադրբեջանա-թուրքական ռազմավարական գործընկերության թեմայով համաժողով է անցկացվում օկուպացված Շուշիում

Ադրբեջանական օկուպացիայի մեջ գտնվող հայկական Շուշիում, որտեղ ուղիղ մեկ տարի առաջ Ադրբեջանի ու Թուրքիայի միջև ստորագրվեց հռչակագիր և պաշտոնապես ազդարարվեց երկու երկրների միջև ռազմավարական գործընկերության մեկնարկի մասին, այսօր նշում են այդ տխրահռչակ փաստաթղթի՝ «Շուշիի հռչակագրի» մեկամյակը։

Ըստ ադրբեջանական ԱՊԱ գործակալության՝ Ալիևը հույս է հայտնել, որ «Ենի Ադրբեջան» և Թուրքիայի իշխող «Արդարություն և զարգացում» կուսակցությունների կողմից կազմակերպված համաժողովն արդյունավետ կանցնի և թուրք-ադրբեջանական եղբայրական հարաբերություններն էլ ավելի կամրապնդի. «Հույս ունեմ, որ համաժողովն իր զգալի նպաստը կբերի թյուրքական աշխարհում համերաշխության, եղբայրության և գործընկերային հարաբերությունների հետագա ամրապնդման գործին»։