Նիկոլի ու Ալիևի պայմանավորվածությամբ մենք որոշ զենքեր չեն կիրառել․ Արամ Սարգսյան (video)

«Դեմոկրատական» կուսակցության նախագահ Արամ Սարգսյանը հունիսի 14 -ին «Հայելի» ակումբում հրավիրված ասուլիսին, անդրադառնալով 44 -օրյա պատերազմին, նշեց.
«Ես դեռևս իմ անցած ասուլիսի ժամանակ անդրադարձա այս կարևոր թեմային, խոսքը վերաբերում է՝ պատերազմի ժամանակ զենք չունենալուն, զենք եղել է՝ այն էլ մեծ քանակությամբ, մեր դաշնակից երկիրը մեզ տրամադրել է զենք՝ «Իսկանդեր», և Հայաստանը միակ երկիրն էր տարածաշրջանում, որի տիրապետության տակ նման զենք է եղել։ Այստեղ հարց է առաջանում, մե՞նք պետք է հուշենք դատախազությանը, որպեսզի պարզի պարտության և զենքեր չօգտագործելու պատճառները»։
Շարունակելով իր խոսքը՝ քաղաքական գործիչն ասաց.
«2017 թվականի դրությամբ եղել է մշակված՝ Գյումրիում ռազմաարդյունաբերական համալիր ձևավորելու ծրագիր, որը համաձայնեցված է եղել ՌԴ նախագահի հետ, այսինքն մենք ունեցել ենք հնարավորություն և ֆինանսավորում, որպեսզի այստեղ զարգանա ռազմաարդունաբերական համալիրը, սակայն ոչինչ չի արվել»։

Անդրադառնալով «Իսկանդերի» օգտագործմանը Արամ Սարգսյանը նշեց.

«Արդյո՞ք թշնամու հետ չի եղել պայմանավորվածություն, որպեսզի «Իսկանդերը» չօգտագործվի։ Թշնամին համոզված է եղել, որ Հայաստանը այս զենքը չի օգտագործելու։ Եթե թշնամին խախտել է բոլոր կոնվենցիաների կանոնները, եթե նա օգտագործել է ֆոսֆորային ռումբ և խախտել է իրավական նորմեր, ապա Հայաստանը նույնպես՝ «Իսկանդեր» օգտագործելու բոլոր իրավունքները ուներ, որպեսզի կասեցներ պատերազմը։ Սա շատ լուրջ հարց է, մենք ունենալով հետախուզական համալիրներ, տեխնիկական կոմպլեքսներ ինչո՞ւ չենք օգտագործել դրանք՝ պարզաբանելու, թե որտեղ են տեղակայված եղել «Բայրաքթարները», գոնե մեկ անգամ ոչնչացնեիք դրանցից մեկը, որպեսզի հազարավոր զոհեր չունենայինք»։

Գոհար Պողոսյան