Լավրովի այցին ընդառաջ ԱԳՆ ժամանեց նաև ԱՄՆ դեսպանը․ Ագնեսա Խամոյան (video)
ԱՄՆ դեսպան Լին Թրեյսին այսօր՝ հունիսին 9-ին, ՌԴ արտաքին գործերի նախարար Լավրովի այցին ընդառաջ ժամանել է Հայաստանի ԱԳՆ: Այս մասին տեղեկանում ենք ԱԺ «Հայաստան» խմբակցության պատգամավոր Ագնեսա Խամոյանի Ֆեյսբուքյան էջից:
«Ինչպես գիտեք, Հայաստանում է գտնվում Ռուսաստանի ԱԳՆ Սերգեյ Լավրովը, նա քիչ անց կժամանի ԱԳՆ: «Դիմադրության» շարժման մասնակիցներ արդեն գնվում են այստեղ: Հիշեցնեմ, որ Հայաստան ժամանող բարձրաստիճան հյուրերին մենք հստակ ուղերձ ունենք փոխանցելու. այս իշխանությունները չունեն մանդատ հայ ժողովրդի անունից բանակցելու, հայ ժողովրդին նոր զիջումների տանելու»,- ասաց նա:
Ինչպես երեւում է Խամոյանի հրապարակած տեսանյութում, ոստիկանությունը մեծաթիվ ուժեր է կենտրոնացրել ԱԳՆ շենքի մոտ:
Հիշեցնենք, որ Ռուսաստանի արտգործնախարար Սերգեյ Լավրովը չորեքշաբթի պաշտոնական այցով ժամանել է Երեւան։ Նախարարն Երեւան է ժամանել Անկարայից, որտեղ բանակցություններ է ունեցել Թուրքիայի արտգործնախարար Մեւլութ Չավուշօղլուի հետ: Հինգշաբթի նախատեսված են Լավրովի բանակցություններն իր հայ գործընկեր Արարատ Միրզոյանի հետ, հանդիպումներ ՀՀ վարչապետի ու նախագահի հետ։ Ուրբաթ ՌԴ ԱԳՆ ղեկավարը կմասնակցի Հավաքական անվտանգության պայմանագրի կազմակերպության արտգործնախարարների խորհրդի նիստին։
Հետևեք մեզ Viber-ում
