Դիմադրություն շարժումը Արմավիրի մարզում է (video)
Նիկոլ Փաշինյանի հրաժարականը պահանջող քաղաքացիներն ակցիա են իրականացրել Արմավիրի մարզպետարանի դիմաց. նրանք ցանկանում են պարզել մարզպետի, մարզպետարանի ղեկավար կազմի դիրքորոշումը «Դիմադրության» շարժման ներկայացրած փասատաթղթի վերաբերյալ։
«Յուրաքանչյուր հայի համար արժանապատվության հարց է Արցախի խնդիրը։ Այսօր հասել ենք մի այնպիսի փուլի, որ նույնիսկ վիճարկվում է Արցախը պե՞տք է լինի Ադրբեջանի կազմում, թե՞ ոչ»,- ասաց ակցիային ներկա քաղաքացիներից մեկը։
Մարզպետը, փոխմարզպետը մարզպետարանում չեն, քաղաքացիները աշխատակազմի ղեկավարին փոխանցեցին իրենց պահանջներով փաստաթուղթը։ Կփորձեն օրվա ընթացքում ճշտել մարզպետի դիրքորոշումը։
«Անձամբ եմ ճանաչում մարզպետին, գիտեմ որ հայրենասեր է, բայց մնացած մարզպետերի նման այսօր ինքն էլ է գերի վարչապետի ձեռքը։ Կխնդրեմ՝ ինքն այդ մոլորվածությունից դուրս գա, միանա մեր ժողովրդին, մեր պայքարին ու միասին մեր երկրի անվտանգության հարցը լուծենք»,- ասաց քաղաքացիներից մեկը։
«Առանց Նիկոլ Հայաստան», «առանց թուրքի Հայաստան» վանկարկելով՝ քաղաքացիները հեռացան մարզպետարանի շենքի մոտից։
Հետևեք մեզ Viber-ում
