Նախկին ՀՀ ոստիկանապետը խմեց Աղվան Գառնիկիչի կենացը. ՖՈՏՈՌԵՊՈՐՏԱԺ

Հուլիսի 23-ին, Մարտունի քաղաքում բացվեց ևս մեկ հանրային լողափ, այդպիսով Սևանա լճի թվով 11 հանրային լողափերի թիվն ավելացավ ևս մեկով: Գեղարքունիքի մարզի Մարտունի քաղաքում «Վարդավառ» տարածաշրջանային փառատոնը նշվեց նորաբաց հանրային լողափի բացումով: Մարզպետ Կարեն Բոթոյանը հայտարարեց, որ Մարտունու շրջանում այն միակ հանրային լողափն է, որը կառուցվել է մարտունեցիների միջոցներով: Տոնական միջոցառմանը բազմաթիվ հյուրերի թվում էին գյուղատնտեսության նախարար Իգնատի Առաքելյանը, նախկին մարզպետ Ռաֆիկ Գրիգորյանը, Քննչական կոմիտեի ղեկավար Աղվան Հովսեփյանը, Երևանի քաղաքապետ Տարոն Մարգարյանի խորհրդական Գոռ Վարդանյանը և այլ հյուրեր:: Տոնը սկսվեց Ջրօրհներքի արարողությամբ, այնուհետև ազգային երգ ու պարն ուղեկցվեց տոնական ծեսերով ու խաղիկներով: Մարզի առանձին համայնքներ տաղավարներում ներկայացել էին Վարդավառի ավանդական ուտեստներով: Կ. Բոթոյանը նշեց, թե Վարդավառը Մարտունիում առանձնահատուկ շուքով են նշում, որը հավասարազոր է Նոր տարվա միջոցառմանը: Ըստ նրա, նման միջոցառումները միտված են աշխուժացնել համայնքային կյանքը, միջհամայնքային հաղորդակցման պայմաններ ստեղծել, ինչպես նաև տուրիստական գրավչություն հաղորդել: Մարտունու քաղաքապետ Արմեն Ավետիսյանը լրագրողների հետ զրույցում նշեց, որ քաղաքը լողափ չուներ և անհրաժեշտություն էր բնակիչների համար հանգստի նման պայմաններ ապահովել: Լուսանկարները՝ Սմբատ Պետրոսյանի