Զրուցել եմ Արայիկ Հարությունյանի հետ․ կոչ եմ անում ուժը կորցրած ճանաչել աղետալի որոշումը. Թովմասյան (video)

Սիրելի բռնի տեղահանվածներ, ես զրուցել եմ Արցախի նախագահ Արայիկ Հարությունյանի հետ, հուզվել էի, թեկուզ համոզված էին, որ միատեսակ ենք մտածում. Արցախի նախագահը գտավ յուրաքանչյուր տեղահանված անձի բնակվարձերի փոխահատուցման իդերալական ծրագիրը: Այս մասին այսօր՝ մայիսի 19-ին, Արցախի խորհրդարանում իր ելույթում ասաց Արցախի ԱԺ նախագահ Արթուր Թովմասյանը:

«Չեմ էլ կասկածում, որ այս պրոբլեմը իդեալական լուծում կտա երկրի նախագահը:

Դիմում եմ Արցախի կառավարությանը՝ ուժը կորցրած ճանաչել Արցախի կառավարության 2021-ի փետրվարի 26-ի աղետալի որոշումը: Աղետալի բառը եւ նշաձողի իջեցմանն է վերաբերում եւ կառավարության այս որոշմանը: Լուծարումով մենք ջնջում ենք համայնքների պատմությունը:մենք չպետք է շեղվենք մեր ընտրած ուղուցՄենք բարոյական իրավունք չունենա անարժան ձեւով փձակելու մեր համայնքների պատմությունը»,-ասաց նա:

Արթուր Թովմասյանը պատմեց, որ վերջերս զրուցել է Շամխորի մի բնակչի հետ եւ հուզվել՝ լսելով Շամխորի Գետաշենի բարբառը. «Ժամանակներ կգան եւ անպայման մենք պետք է Հադրութի համուհոտով բարբառը պահպանել»,-ասաց նա հուզված ձայնով:

«Բարբառը մեր հարստությունն է, գժվել կարելի է Հադրութի, Շահումյանի շրջանների բարբառի համար, Գյումրիի, Վանաձորի բարբառների համար: Սրանք մեր հարստությունն են՝ իհարկե անաղարտ մայրենիի հետ միասին: Հիմա ամեն ինչ պետք է անենք, որ եթե բնակարաններ տրամադրենք համայնքներ ստեղծենք եւ օրինակ, հադրութեցիները միասին ապրեն»,-ընդգծեց ԱԺ նախագահը: