Լեւոն Քոչարյանի գլխավորած երթը փակել է Հաղթանակի կամուրջը. վարորդները նրանց ողջունում են ազդանշանով (video)
«Դիմադրության՞ շարժման անհնազանդության երթերից մեկը հասել է Հաղթանակի կամուրջ եւ փակել այն: Երթի առջեւից գնում են ՀՀ երկրորդ նախագահ Ռոբերտ Քոչարյանի որդին՝ Լեւոն Քոչարյանը, ԱԺ «Հայաստան» խմբակցության պատգամավորներ Արամ Վարդեւանյանը, Ագնեսա Խամոյանը:
Արամ Վարդեւանյանը ոստիկաններին ասաց, որ բոլոր ոստիկանները կարող են իրենց երթի հետ մնալ, բայց կա մեկը, որը լարում է իրավիճակը, ցուցարարի վզից բռնում, սեղմում է. «Թող ինքը գնա էստեղից: Էսօրվա բոլոր բերետները թող մնան, ինքը թող գնա»:
Լեւոն Քոչարյանն էլ հավելեց. «Կարելի էր կրքերը չլարելու համար այսօր իրեն չբերել: Շատ ցինիկաբար է իրեն պահում»:
Ցուցարարները շղթա կազմած շարունակեցին երթը:
Որոշ մեքենաներից նրանց ազդանշաններով ողջունում էին:
Նշենք, որ «Դիմադրություն» շարժումը վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։ Երևանի տարբեր հատվածներից երթեր են սկսվել:
Հետևեք մեզ Viber-ում
