Պորոշենկոյի և Լուկաշենկոյի առաջ մերկացած կինը կարող է ազատազրկվել. տեսանյութ

«Femen» շարժման ակտիվիստ Անժելինա Դիաշին, ով երեկ մերկացել էր Ուկրաինայի և Բելառուսի նախագահներ Պյոտր Պորոշենկոյի և Ալեքսանդր Լուկաշենկոյի առաջ, սպառնում է երկուսից հինգ տարվա ազատազրկում խուլիգանության համար: Այս մասին ֆեյսբուքյան իր էջում գրել է նրա փաստաբան Յարոսլավ Յացենկոն: Lenta.ru-ի հաղորդմամբ՝ Դիաշը մեղադրվում է «Դիմադրության ցուցադրմամբ խուլիգանության» մեջ: Գիշերն ակտիվիստն անց է կացրել ժամանակավոր մեկուսարանում: Այսօր Կիևի դատարանը կընտրի նրա խափանման միջոցը: