Զրկել են ՌԴ քաղաքացիությունից
«Վեդոմոստիի» տնօրենների խորհրդի անդամ Դեմյան Կուդրյավցևը հաստատել է, որ իր ռուսական քաղաքացիությունը չեղարկվել է: Այս մասին գրում է թերթն իր կայքում։ «Ավելի վաղ տրամադրված քաղաքացիությունը չեղարկվել է»,- մեջբերում է կայքը Կուդրյավցևին։ Ավելի վաղ այդ մասին հայտնել էր ՌԲԿ թերթը, որի տեղեկություններով՝ Կուդրյավցևը դեռ մարտին էր հանձնել ռուսական անձնագիրը։ Ըստ պարբերականի աղբյուրի տվյալների, որը մոտ է գործարարին, Իսրայելի հետ անվիզա համաձայնագրի հիման վրա Կուդրյավցևի Ռուսաստանում մնալու ժամկետը սպառվում է, շուտով նա պետք է լքի երկիրը։ Փետրվարին Մոսկվայի քաղաքային դատարանը բավարարել է Դաշնային միգրոցիոն ծառայության դիմումը՝ ռուսական քաղաքացիություն ստանալու համար հարցաթերթիկում Կուդրյավցևի նշած տեղեկությունները կեղծ ճանաչելու մասին։ Ըստ այդմ՝ Կուդրյավցևը 90-ականների սկզբին փոխել էր խորհրդային անձնագիրը ու Իսրայելի քաղաքացիություն ընդունել։ Կուդրյավցևն ինքը ասել էր, որ ԴՄԾ-ն հետաքրքրվել է «յոթ տարվա վաղեմության հարցաթերթիկով, որը ես լրացրել էին, երբ ՌԴ քաղաքացիություն էի ստանում»։ Նրա խոսքով՝ այնտեղ եղել է «տեղեկությունների պակաս, բայց ոչ քողարկում, ու նրանց այդ մասին հստակ հայտնի էր այդ ժամանակ գերատեսչության հետ իմ նամակագրությունից»։ Նա չի հստակեցրել, թե հատկապես ինչ տվյալների մասին է խոսքը։ Նրա խոսքով՝ «տվյալ տեղեկությունը տվյալ հարցաթերթիկի մեջ պարզապես չի տեղավորվել»։
Հետևեք մեզ Viber-ում
