Սեփական քաղաքական կամքը պարտադրելու և հաշվեհարդարի լայն հնարավորություն Նիկոլ Փաշինյանի համար
Մինչ ընդդիմությունը զբաղված է ցույցեր և հանրահավաքներ կազմակերպելու գործով՝ իշխանությունը ժամանակ չի կորցնում և անում է սեփական իշխանությունն ամրապնդելու քայլեր։ Չնայած Ազգային ժողովում Փաշինյանի ղեկավարած Իմ քայլը խմբակցությունն ՏԻՄ ընտրություններում տապալվեց։ Բազմաթիվ խոշորացված համայնքներում Նիկոլ Փաշինյանի թիմակիցները ջախջախիչ պարտություն կրեցին։ Իշխանությունը ողջ վարչական ռեսուրսի գործադրմամբ, շինծու դատական գործերով ու կալանքներով անգամ չկարողացավ ՔՊ-ական համայանքապետեր ունենալ մի շարք համայնքներում՝ Սյունիքում, Վարդենիսում, Վանաձորում և բազմաթիվ այլ համայնքներում։
Եվ ահա Նիկոլ Փաշինյանը որոշել է անցնել կտրուկ քայլերի՝ փոխել օրենսդրությունը,, որպեսզի ցանկացած պահի կարողանա նշանակել իր ուղած համայնքապետին և ստիպված չլինի սպասել, թե այս կամ այն ավագանին ում կընտրի համայանքի ղեկավար։
Արտահերթ նիստում Ազգային ժողովն առաջին ընթերցմամբ ընդունեց «Քաղաքացիական պայմանագիր» խմբակցության պատգամավորների ներկայացրած օրենքի նախագիծը, որով առաջարկվում է հանել օրենքի դրույթներից մեկով նախատեսված սահմանափակումը, թե ավագանու անդամը չի կարող լինել համայնքի ղեկավարի պաշտոնակատար։ Բացի այդ՝ այն դեպքերում, երբ ինչ-ինչ պատճառներով համայնքի ղեկավար չի ընտրվի, վարչապետը օրենքի ուժով կկարողանա խոշորացված համայնքի ղեկավարի պաշտոնակատար նշանակել ավագանու որևէ անդամի:
«Երբ խոշորացված համայնքներում ինչ-ինչ պատճառներով համայնքի ղեկավար չի ընտրվում, այս դեպքում հնարավորություն է ընձեռվում, որ համայնքի բնականոն կառավարումը շարունակելու համար վարչապետը հնարավորություն ունենա պաշտոնակատար նշանակելու մինչև համամասնական ընտրակարգով ձևավորված համայնքը կընտրի իր համայնքի ղեկավարին: Այսինքն՝ այդ վակուումը փակելու համար է»,- հայտարարել է իշխանական պատգամավոր Վահագն Հովակիմյանը, որը «Տեղական ինքնակառավարման մասին» օրենքում լրացում կատարելու մասին նախագծի համահեղինակներից է։
Կատարված մեկ այլ փոփոխությամբ՝ համայնքի ղեկավարի պաշտոնակատարի համար սահմանված է միայն մեկ չափանիշ, այն է՝ պաշտոնակատարը պետք է լինի ՀՀ քաղաքացի:
Հատկանշական է, որ գործող օրենքով վարչապետը համայնքի ղեկավարի պաշտոնակաատար նշանակելու հարցում սահմանափակումներ ուներ, որն հանվում է։
«Մենք հնարավորություն ենք տալիս ՀՀ վարչապետին՝ իր քաղաքական կամքն իրացնելիս անկաշկանդ լինել»,- պարզաբանել է Վահագն Հովակիմյանը:
Ըստ ամենայնի ՏԻՄ ընտրություններում կրած պարտությունը Նիոլ Փաշինյանի վրա խորը հետք է թողել։ Նա չի կարողանում համակերպվել այն մտքի հետ, որ գոնե տեղական մակարդակում առաջնայինը տվյալ համայնքում ու բնակավայրում ապրող քաղաքացու քաղաքական կամքն է ։ Նոր օրենքով Նիոլ Փաշինյանը կստանա լայն հնարավորություն սեփական քաղաքական կամքը պարտադրել բոլորին և հաշվեհարդար տեսնել այն համայնքերի հետ, որոնց բնակիչները մերժել էն ՔՊ-ի թեկնածուներին։
Հայկ Դավթյան
Հետևեք մեզ Viber-ում
