Թրամփը պատմել է Պուտինի հետ «գաղտնի հանդիպման» մասին

«The New York Times»-ին տված հարցազրույցում ԱՄՆ նախագահ Դոնալդ Թրամփը պատմել է, թե ինչպես է անցել իրենց «գաղտնի»  հանդիպումը Պուտինի հետ։ԶԼՄ-ները «գաղտնի հանդիպում» են անվանել Մեծ քսանյակի շրջանակներում կազմակերպած ընթրիքը։ Թրամփը նշել է, որ այդ ընթրիքի ժամանակ իր կինը՝ Մելանյան նստել է Պուտինի կողքին, իսկ ինքը՝ Թրամփը նստել է Պուտինի ու Մելանյայի դիմաց։ Այս մասին գրում է Gazeta.ru-ն: Թրամփի խոսքով՝ իր խոսակցությունը Պուտինի հետ 15 րոպե է տևել, նրանք «հաճոյախոսություններով են փոխանակվել»: «Դեսերտի պահն էր: Ես պարզապես գնացի խոսելու Մելանյայի հետ, միաժամանակ բարևեցի Պուտինին»,- ասել է նա: Խոսք է գնացել նաև երկու երկրների միջև որդեգրման իրավական խնդիրների մասին: