ԱՄՆ-ն ինձ Անկարային չի արտահանձնի. Գյուլեն

ԱՄՆ-ն ինձ թուրքական իշխանություններին չի հանձնի։ Այս մասին «ՌԻԱ Նովոստի»-ին տված հարցազրույցում ասել է թուրք ընդդիմադիր քարոզիչ Ֆեթուլլահ Գյուլենը: «Չեմ կարծում, որ ԱՄՆ նախագահը՝ լինի նա հանրապետական, թե դեմոկրատ, ենթարկվի այդ անիմաստ պահանջին եւ աշխարհում ԱՄՆ-ի հեղինակությունը պիտակավորելու ռիսկին դիմի: Ես նաեւ ենթադրում եմ, որ իմ արտահանձնման՝ Էրդողանի կառավարության պահանջի հետ կապված, ԱՄՆ-ի կառավարությունը կպահպանի համապատասխան իրավաբանական ընթացակարգը։ Ինձ համար ես չեմ անհանգստանում»,-հայտարարել է Գյուլենը։ Ըստ նրա` ամերիկյան իշխանությունները կպահպանեն համապատասխան իրավաբանական ընթացակարգը Թուրքիայի նախագահ Ռեջեփ Թայիփ Էրդողանի պահանջի հետ կապված՝ Միացյալ Նահանգներից իրեն արտահանձնելու շուրջ։