Կինը մեկ շաբաթով երեխային մենակ է թողել փակ բնակարանում
ՌԴ Վոլգոգրադի մարզի Վոլժսկի քաղաքի բնակչուհին 9-ամյա դստերը մեկ շաբաթով թողել է փակ բնակարանում: Նրա դեմ գործ է հարուցվել, գրում է Ռիա Նովոստին։
Գերատեսչության տվյալներով՝ նախօրեին ոստիկանություն է դիմել Վոլժսկիի մի բնակիչ, ով պատշգամբում լսել է աղջկա օգնության կանչը։
«Պարզվել է, որ 9-ամյա աղջկա մայրը 7 օրով նրան մենակ է թողել բնակարանում, երեխայի մոտ եղել է ընդամենը երկու փաթեթ մակարոն և մեկ հատ հաց»,- հայտնել են ոստիկանությունից։ Նշվում է, որ աղջիկը չի կարողացել կապ հաստատել մոր հետ և մեկ շաբաթ մենակ մնալուց հետո որոշել է օգնության կանչել անցորդներին։
Այժմ երեխան հիվանդանոցում է։
Հետևեք մեզ Viber-ում
