Արա Զոհրաբյանի հովանավորչության դիմաց՝Փաստաբանների պալատի թուլացում. Լուսինե Սահակյան
«Փաստաբան Տիգրան Աթանեսյանի գրասենյակի վրա հարձակումն այսպիսի ընթացք չէր ունենա, եթե Փաստաբանների պալատի նախագահը որոշ մարդկանց կողմից հովանավորված չլիներ: Տարիներ շարունակ մենք ասում ենք, որ փաստաբանությունը թուլանում է, վերջին ամիսներին տեղի ունեցողը հենց մեր ասածի ապացույցն է՝ փաստաբանները մնացել են անպաշտպան: Այս գործն էլ այսպես չէր լինի, եթե Արա Զոհրաբյանը հովանավորչություն չունենար, որի դիմաց մենք վճարում ենք Փաստաբանների պալատի թուլացմամբ»,- նման կարծիք հայտնեց Աթանեսյանի գրասենյակում հարձակման ենթարկված Արմեն Սողոմոնյանի պաշտպան Լուսինե Սահակյանը: Տարիներ առաջ իրենք չէին էլ կարող պատկերացնել, որ փաստաբաններին կարող են խուզարկել, իսկ Պալատը որեւէ խիստ հայտարարությամբ հանդես չի գալու,ասաց նա: Ավելի վաղ փաստաբան Տիգրան Աթանեսյանը հայտարարել էր, որ ապրիլի 27-ին ինքն ու Արմեն Սողոմոնյանը հարձակման էին ենթարկվել Փաստաբանների դպրոցի տնօրեն, խորհրդի անդամ Սիմոն Բաբայանի, ՓՊ նախագահի խորհրդականներ Վրեժ Խաչիկյանի, Գեւորգ Մկրտչյանի եւ փաստաբան Արսեն Հարությունյանի կողմից։ Աթանեսյանն ու նրա ընկերները հարձակման պատասխանատու համարում են ՓՊ նախագահ Արա Զոհրաբյանին։
Հետևեք մեզ Viber-ում
