Ռուսաստանն այս տարի էներգակիրներից ռեկորդային եկամուտ կստանա

Ռուսաստանն այս տարի էներգակիրներից ռեկորդային եկամուտ կստանա:  Փոխանցում է ՏԱՍՍ գործակալությունը: Ինչպես հաղորդում է Bloomberg-ը, Մոսկվան 2022 թվականին կարող է ստանալ գրեթե 321 միլիարդ դոլար, եթե ներկրողները համապատասխան էմբարգո չկիրառեն։ 

«Հաշվի առնելով ներկայիս պատժամիջոցները՝ կարծր արժույթի զգալի ներհոսքը դեպի Ռուսաստան, կարծես թե, կշարունակվի: Այս տարի Մոսկվան էներգիայի արտահանումից կարող է վաստակել գրեթե 321 միլիարդ դոլար, ինչը մեկ երրորդից ավելին է, քան 2021 թվականին: Ռուսաստանը կարող է ունենալ նաև ընթացիկ հաշվի ռեկորդային հավելուրդ, որը, ըստ IIF-ի գնահատումների, կարող է հասնել 240 միլիարդ դոլարի»,-ասվում է զեկույցում: