Բելառուսում փակվել է միգրանտների ճամբարը Լեհաստանի հետ սահմանին
Բելառուսի եւ Լեհաստանի սահմանին, «Բրուզգի» տրանսպորտա-լոգիստական կենտրոնում գտնվող միգրանտները կա՛մ արդեն ինքնաթիռով մեկնել են Իրաք, կա՛մ տարաբնակեցվել Բելառուսում եւ շարունակում են սպասել տարհանման: Այդ մասին հաղորդել են Բելառուսի պետական սահմանապահ կոմիտեում՝ փաստելով, որ Բելառուսում փակվել է միգրանտների ճամբարը Լեհաստանի հետ սահմանին:
Մարտի 22-ի ուշ գիշերին հերթական տարհանող չվերթը 98 օտարերկրացիների Մինսկից տարել է էրբիլ, իսկ մնացած օտարերկրացիներին առայժմ տարաբնակեցրել են հյուրանոցներում ու առողջարաններում եւ երկրից դուրս կտանեն ուրիշ չվերթներով:
Ըստ վերջին տվյալների, «Բրուզգի» տրանսպորտա-լոգիստական կենտրոնում գտնվում էր շուրջ 400 միգրանտ, հաղորդել է «Ինտերֆաքս»-ը:
Հետևեք մեզ Viber-ում
