300 000 բնակչով պաշարված Մարիուպոլը մերժել է Ռուսաստանին հանձնվելու առաջարկը
Ուկրաինան մերժել է ՌԴ-ի առաջարկը, որ Մարիուպոլ քաղաքի զորքերը վայր դնեն զենքերն ու հանձնվեն:
Ինչպես նշվում է՝ պաշարված քաղաքում կա 300 000 բնակիչ, և նրանց թույլ կտրվի ապահով լքել քաղաքը, եթե զորքերը վայր դնեն զենքերը:
Ինչպես գրում է Daily Mail-ը, ՌԴ ԶՈՒ գեներալ-գնդապետ Միխայիլ Միզինցևը կիրակի ուշ երեկոյան ներկայացրել է Մոսկվայի առաջարկը՝ ասելով, որ ուկրաինական զորքերը և օտարերկրյա վարձկանները, որոնք վայր կդնեն զենքերը և կբարձրացնեն սպիտակ դրոշներ, կկարողանան հեռանալ մարդասիրական միջանցքներով: Դրանից հետո խաղաղ բնակիչները կտարհանվեն: Նա Ուկրաինային պատասխանելու համար ժամանակ էր տվել մինչև առավոտյան ժամը 5-ը:
Բայց Մարիուպոլը մերժել է պահանջները, իսկ Պյոտր Անդրյուշենկոն՝ քաղաքապետի խորհրդականը, ասել է, որ ռուսական կողմի խոստումներին չի կարելի վստահել, և որ քաղաքը պաշտպանող զորքերը վճռական են պայքարելու մինչև վերջին մարդը:
Հետևեք մեզ Viber-ում
