Նախնական ընտրություններում հաղթել է Թրամփը

 ԱՄՆ Հարավային Քարոլինա նահանգում նախնական ընտրություններում (փրայմերիզ) 32,5 տոկոս ձայներով հաղթել է միլիարդատեր Դոնալդ Թրամփը։ Երկրորդ տեղում Ֆլորիդա նահանգից ընտրված սենատոր Մարկո Ռուբիոն է (22.5 տոկոս), սակայն նրան հետապնդում է Թեքսասը ներկայացնող սենատոր Թեդ Քրուզը (22,3 տոկոս)։ Ֆլորիդայի նախկին նահանգապետ Ջեբ Բուշն ստացել է 7,8 տոկոս ձայն, նա արդեն հայտարարել է, որ դուրս է գալիս հետագա պայքարից։ Բուշին հաջորդում է Օհայոյի նահանգապետ Ջոն Քեսիքը (7,6 տոկոս), իսկ ամենավերջին տեղում սեւամորթ նեյրովիրաբույժ Բեն Քարսոնն է (7,2 տոկոս)։ Հարավային Քարոլինայում փրայմերիզին ռեկորդային թվով մարդիկ են մասնակցել։ Այս մասին հայտնել են նահանգի ընտրական հանձնաժողովների ներկայացուցիչները, հաղորդում է ՏԱՍՍ-ը։