Հռոմի մետրոյի գնացքը քարշ է տվել դռների մեջտեղում սեղմված կնոջը

Հռոմի մետրոպոլիտենի «Տերմինի» կայարանում կինը լուրջ վնասվածքներ է ստացել՝ գնացքի դռների մեջտեղում սեղմվելով: Այս մասին հայտնում է Life.ru-ն` հղում անելով տեղական ԶԼՄ-ներին: Հսկիչ տեսագրություններում երևում է, թե ինչպես է կինը, ազգությամբ բելառուս, պայուսակը ձեռքին, մոտենում գնացքին և մի քանի վայրկյան կիսով չափ կանգնում դռների մեջտեղում: Այդ պահին դռները փակվում են, գնացքը սկսում է թափ հավաքել: Մի փոքր գնալուց հետո գնացքը կանգնել է: 43-ամյա կնոջն օգնության են հասել ականատեսները: