Ադրբեջանը և ՌԴ-ն մաքսային կանաչ միջանցք կգործարկեն

Ադրբեջանն ու Ռուսաստանը պարզեցված մաքսային միջանցք են ստեղծում երկու երկրների արտաքին տնտեսական գործունեության մասնակիցների համար։ Այս մասին հայտնում է ՏԱՍՍ-ը՝ տեղեկացնելով, որ Ռուսաստանի Դաշնային մաքսային ծառայությունը և Ադրբեջանի Պետական մաքսային կոմիտեն ծրագրի մասնակիցների ցանկը կորոշեն լիազորված տնտեսվարող սուբյեկտներից և արտաքին տնտեսական գործունեության այլ մասնակիցներից։

«Կանաչ միջանցքում ռուս և ադրբեջանցի մասնակիցների միջև արտաքին առևտրային պայմանագրեր կնքելիս երկու պետությունների մաքսային մարմիններն ավտոմատ կերպով կկիրառեն մաքսային ձևակերպումների պարզեցումներ և դյուրացում՝ ապրանքների անխափան և արագացված տեղաշարժը Ռուսաստան և Ադրբեջան ապահովելու համար»,-ասվում է զեկույցում։