Կոնաշենկովը՝ խոցված ռազմական օբյեկտների մասին

Անցած օրվա ընթացքում ռուս զինվորականները հարվածներ են հասցրել ուկրաինական բանակի 128 ռազմական օբյեկտների:

Այս մասին հայտնել է՝ ՌԴ ՊՆ պաշտոնական ներկայացուցիչ Իգոր Կոնաշենկովը, մանրամասնելով, որ դրանց թվում է 1 Buk-M1 զենիթահրթիռային համակարգ, 1 «Օսա» հակաօդային պաշտպանության համակարգ, 4 ռադիոտեղորոշիչ կայան, հրամանատարական 4 կետ, զենքի և զինամթերքի 7 պահեստ, ռազմական տեխնիկայի կուտակման 68 տարածք:

Ինչպես տեղեկացրել է՝ ընդհանուր առմամբ, ռազմական գործողության սկզբից ի վեր ոչնչացվել է ուկրաինական 111 ինքնաթիռ, 68 ուղղաթիռ, 160 անօդաչու թռչող սարք, 159 զենիթահրթիռային համակարգ, 1353 տանկ և այլ մարտական ​​զրահատեխնիկա, համազարկային կրակի 129 համալիր, դաշտային հրետանային 493 սարք և ականանետ։