Վիգեն Խաչատրյանը քննադատեց Հայկ Սարգսյանի օրինագիծը (video)

Ծնողների նկատմամբ պետական հոգատարությունն ու անհրաժեշտ հարգանքի վերաբերմունքը պետք է երաշխավորել, բայց հավասարապես մենք պետք է նաեւ հասկանանք, որ գործ ունենք Սահմանադրական դրույթի հետ, ըստ որի յուրաքանչյուր քաղաքացի պարտավոր է օրենքով սահմանված կարգով մասնակցել Հայաստանի Հանրապետության պաշտպանությանը: Այս մասին, այսօր՝ մարտի 4-ին, ԱԺ-ում հայտարարեց «Քաղաքացիական պայմանագիր» խմբակցության պատգամավոր Վիդեն Խաչատրյանը՝ ելույթ ունենալով «Զինվորական ծառայության և զինծառայողի կարգավիճակի մասին» օրենքում փոփոխություններ և լրացում կատարելու մասին օրենքի նախագծի քննարկման ժամանակ:

«Դրանից բխում է, որ պետությունը պարտավոր է յուրաքանչյուր քաղաքացու նախապատրաստել ահյդ մասնակցությանը: Թե ինչ ձեւով, մենք դա պետք է քննարկենք եւ այդ առումով այս օրենքի նախագիծը լուրջ բացեր ունի: Ես խուսափել եմ իմ գործընկերներին ցիտելուց կամ հակադարձելուց, բայց որեւէ մեկը իր որդուն բանակին չի տալիս: Այդ տերմինից պետք է խուսափենք, մարդը գնում է իր պարտքը հայրենիքի առջեւ կատարելու: Այստեղ ներկա Գեղամ Նազարյանից ես պետք է ներողություն խնդրեմ, որն այդ կորուստը կրել է եւ ես երբեք ինձ թույլ չեմ տա իր նկատմամբ իմ հարգանքը չդրսեւորել եւ որը հանրահավաքներից մեկում հպարտ ասաց. «Իմ վիշտը մեծ է, բայց մի ասեք՝ մենք որդի ենք կորցրել»: Ես խիստ ազգվել էի այդ արտահայտությունից, մարդը հպարտոներն ասաց՝ իմ որդին պարտք է կատարել, մի ընդունեք, որ ես որդի եմ կորցրել: Կներես, Գեղամ ջան, բայց էստեղ խոսեց քաղաքացիական լուրջ զգացում մարդու մոտ: Հետեւաբար, մենք չպետք է բանակը դիտենք որպես վշտի աղբյուր եւ վիշտ թեթեւացնելու համար մտածենք, թե ոնց անենք, որ երկրորդ վիշտը չլինի: