Սաքունցը դատի է տվել ՀՀ-ին 1000-դրամների հիմնադրամի փողերը հետ վերադարձնելու պահանջով
ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան իր էջում գրում է. «Պարոն Սաքունցը համախոհների հետ դատի է տվել ՀՀ-ին 1000-դրամների հիմնադրամի փողերը հետ վերադարձնելու պահանջով. «հետ տվեք մեր փողերը» էլի։ Պրինցիպի, ես երևի իր մոտիվները հասկանում եմ - այդ հիմնադրամի գոյության շնորհիվ ապագայում հնարավորություն չի լինի ոչ շահագործել զոհված ու հաշմանդամ զինծառայողների ընտանիքների սոցիալական դրությունը, ոչ էլ այդ հողի վրա այդ ընտանիքներին նեգատիվ ու թույն սրսկել։ Ընդհանրապես, նկատված է, որ կան մարդիկ, ովքեր խիստ նյարդայնանում են, երբ որևէ խնդիր մեր երկրում լուծվում է, որովհետև դրանից հետո այդ խնդիրն էլ չեն կարողանում շահարկել։ Բա էդքանից հետո ո՞նց դատի չտան մարդիկ։ Ի դեպ, զուտ հիշեցման կարգով։ Պարոն Սաքունցը դեռ օրինագծի քննարկման փուլում խոստացել էր, որ օրինագծի ընդունման դեպքում իրավապահներին է ներկայացնելու կոռումպացված չինովնիկների ցանկ։ Տեսնես ներկայացրե՞ց։ Ովքե՞ր են այդ ցուցակում։ Ի՞նչ ընթացք է/են ստացել գործը/գործերը։ Հ.Գ. խոսքերի հեղինակը Վահագն Մխոյան է, բայց ամեն մի բառի տակ ստորագրում եմ։
Հետևեք մեզ Viber-ում
