«Հենրիխը շատ լավ տղա է, nա շատ քրտնաջան է աշխատում». Յուրի Ջորկաեֆ

Sky Sports-ի լրագրողները խոսել են Յուրի Ջորկաեֆի հետ ,ով  նշել է, որ ճանաչում է ոչ միայն՝ Հենրիխին, այլև՝ նրա ընտանիքին։ Ըստ Ջորկաեֆի՝ Մխիթարյանների ընտանիքը շատ լավն է, և իրենք հաճախ են հանդիպում Հայաստանում։ «Մեզ համար դա շատ կարևոր է, քանի որ մենք՝ հայերս քիչ ենք։ Մենք պետք է աջակցենք միմյանց: Իսկ Հենրիխը շատ լավ տղա է։ Նա շատ քրտնաջան է աշխատում։ Հայաստանում բոլորս հպարտանում ենք նրանով։ Սկզբում նա անգամ պահեստայինների նստարանին չէր հայտնվում, բայց իր խաղը ցուցադրելուց հետո հայտնվեց մեկնարկային կազմում»,- նշել է Յուրի Ջորկաեֆը։ «Մխիթարյանն իրեն լավ կդրսևորի մրցաշրջանի ընթացքում, ինչպես նախորդ մրցաշրջանում։Հիշենք, թե ինչպիսի վստահությամբ նա ավարտեց նախորդ մրցաշրջանը։ Կարծում եմ՝ այս մրցաշրջանում նա կլինի գագաթնակետին։ Ցանկացած թիմում պետք է մեկը, ով կկարողանա փոխել խաղը երկրորդ կեսում։ Այդ ֆուտբոլիստը Հենրիխն է։ Նա հրաշալի մրցաշրջան կանցկացնի, վստահ եմ»,- նշել է Յուրի Ջորկաեֆը։