Աշխարհի ամենահին զգեստը

Վերջերս Օքսֆորդի համալսարանի գիտնականների կողմից արված ռադիոածխածնային հետազոտության արդյունքում պարզ է դարձել, որ Եգիպտոսում հայտնաբերված հայտնի «Տարխանի զգեստն» իրականում ամենահինն է աշխարհում: Ինչպես գրում է Daily Mail-ը, ուսումնասիրությունները պարզել են, որ զգեստը կարվել է 5500 տարի առաջ: Գիտնականները նշել են, որ զգեստը կարվել է մոտավորապես մ.թ.ա. 3482-3102թթ. ընթացքում: Այն ունի V-աձև կառուցվածք և մոխրագույն երանգ: Զգեստի երկարության մասին ոչինչ հայտնի չէ, քանի որ դրա միայն վերևի հատվածն է պահպանվել: Այն հավանաբար կրվել է Եգիպտոի Առաջին դինաստիայի ժամանակաշրջանում ապրած մի կնոջ համար: Աղբյուրը նշում է, որ ներկայում Լոնդոնի Վիկտորիա և Ալբերտ թանգարանում գտնվող զգեստն առաջին անգամ հայտնաբերվել է 1913թ. Եգիպտոսում ընթացքող հնագիտական պեղումների ընթացքում, սակայն դրան կարևորություն սկսել է տրվել միայն 1977թ. սկսած: