Յացենյուկին համեմատել են «տաք կարտոֆիլի» հետ

Ուկրաինայի ազգային պատգամավոր, «Պյոտր Պորոշենկոյի բլոկ» կուսակցության անդամ Ալեքսեյ Գոնչարենկոն «112 Ուկրաինա» հեռուստաալիքի եթերում հայտարարել է, որ խմբակցությունների մեծամասնությունը պատրաստ չէ ընդունել երկրի վարչապետ Արսենի Յացենյուկի հրաժարականի մասին քվեարկության ձախողումը և վերջինիս համեմատել է «տաք կարտոֆիլի» հետ: «Այսօր Արսենի Յացենյուկը ասես տաք կարտոֆիլ լինի: Ոչ ոք չի ցանկանում այրվել դրանով և ձեռքից ձեռք են փոխանցում», - Գոնչարենկոյի խոսքը մեջբերում է Lenta.ru-ն: Նրա խոսքով` Յացենյուկի հրաժարականի օգտին քվեարկել է իրենց կուսակցության 75 տոկոսը, «Արմատական կուսակցության 75 տոկոսը և «Բատկիվշչինայի» 84 տոկոսը:Ըստ գործչի` ակնհայտ է, որ Յացենյուկի կառավարությանը պաշտպանել  են օլիգարխները: