Որևէ քաղաքական ուժ չի միացել «Ժառանգությանը»

«Ժառանգության» կուսակցության ղեկավար Րաֆֆի Հովհաննիսյանը շաբաթներ առաջ հայտարարել էր քաղաքական ուժերին միավորման և մեկ միասնական ընդդիմության ստեղծման մասին: «Իրավունք»-ը «Ժառանգության» կուսակցության փոխնախագահ Արմեն Մարտիրոսյանից հետաքրքրվել է` քաղաքական ո՞ր ուժերի հետ է բանակցում «Ժառանգությունը»: «Որևէ բանակցություն չկա: Մենք չենք պատրաստվում բանակցություններ վարել: Եթե մեր ընդդիմադիր գործընկերները ցանկանան պայքարել, մենք պատրաստ ենք միասին պատ կազմել ու պայքարել», - ասել է Մարտիրոսյանը: Ինչո՞ւ քաղաքական ուժերը չարձագանքեցին, իսկ ոմանք էլ բացասաբար վերաբերվեցին Րաֆֆի Հովհաննիսյանի կոչին: Արմեն Մարտիրոսյանը կարծում է` պատճառները տարբեր են: Մի մասը հուսալքված է, մի մասը չի հավատում, մյուս մասն էլ անձնական խնդիրներ ունի: Մանրամասները՝ թերթի այսօրվա համարում: