Ցմահ բանտարկվածների գործերը Հայաստանում պետք է վերանայել. Փաշինյան

Այսօր ԱԺ-ում ԱԺ «Ելք» խմբակցության պատգամավոր Նիկոլ Փաշինյանը իր ելույթում անդրադարձավ ցմահ ազատազրկված դատապարտյալներին: Ինչպես նշեց պատգամավորը, այսօր Հայաստանում կա 97 ցմահ ազատազրկված անձ, և պետք է մտածել օրենսդրական հիմքեր ստեղծելու մասին, որպեսզի այս 97 անձանց գործերը նոր օրենսդրության շրջանակներում վերանայվեն: Փաշինյանը նկատեց, որ 2003-2011 թթ․ ցմահ բանտարկված է եղել 60 մարդ։ «Այդ ժամանակ նախատեսված չի եղել 15 տարուց երկար ազատազրկում (դրանից  բարձր պատժամիջոցը ցմահ բանտարկությունն էր)։ 2011-ից սկսած՝ հայտնվել է ազատազրկում 16,17 եւ  տարով եւ այլն։ Հնարավոր է, եթե այդ մարդկանց հիմա դատեին, նրանց կտային 16,17 կամ 18 տարի։ Դրա համար էլ այդ գործերը վերանայել է պետք»,- ասաց նա: Անդրադառնալով ցմահ ազատազրկված դատապարտյալների պահման պայմաններին՝ Նիկոլ Փաշինյանն ասաց. «Կան խցեր, որոնց պայմաններն ավելի ծանր են, քան գնդակահարությունը»: