ՀՀԿ-ում ընտրակաշառք բաժանելիս «возврат» ինստիտուտ է գործում.Մարուքյան
ԿԸՀ-ի գործունեության մասին հաղորդոման քննարկմանը «Ելք» խմբակցության անունից ելույթ ունեցավ Էդմոն Մարուքյանը: «Հազար անգամ, որ ասել ենք՝ զանգվածաբար ընտրակաշառք է բաժանվել այս ընտրություններին, բա չե՞ք լսել դրա մասին: Ուղղակի հերթեր էին գոյացել ձեր շտաբների մոտ՝ բա դուք տեղյակ չէի՞ք դրա մասին: Միջազգային դիտորդական առաքելությունները, դեսպանատների հայտարարությունները բոլորը նշել են՝ եղել են ընտրակաշառքի բաժանման հավաստի տեղեկություններ»,-դիմելով ԿԸՀ նախագահ Տիգրան Մուկուչյանին ասաց Էդմոն Մարուքյանը և հիշեցրեց, որ իրենք գլխավոր դատախազություն հաղորդում են ներկայացրել մայիսի 20-ին, այսօր հուլիսի 10-ն է, որեւէ տեղեկություն չկա. «Չի ասվում, որ մենք գնացել ենք ոստիկանության ՊՊԾ գունդ, տեսել ենք, որ այն ֆաքսը,որը ներկայացրել եք, այնտեղից չի ուղարկվել: Կա՞ նման բան»: «Ներկայացրած փաստաթղթերում անգամ նյութեր կան, որ փող բաժանելիս «возврат»-ի ինստիտուտ է գործում. Փողը տալիս են, բաժանում ես, սահմանված չափով ձեն չեղավ, պետք է փողը տանես հետ տաս»,-ասաց Մարուքյանը:
Հետևեք մեզ Viber-ում
