Մեսսին նոր պայմանագրով շաբաթական գրեթե 1 մլն ֆունտ կստանա

«Բարսելոնայի» հարձակվող Լիոնել Մեսսիի նոր պայմանագիրը կատալոնական ակումբի հետ նրան կդարձնի առաջին ֆուտբոլիստը, որը շաբաթական մոտ 1 մլն ֆունտ կվաստակի, վստահեցնում է «The Sunday Times»-ը: 4-ամյա պայմանագիրը, որը կկնքվի մոտ ժամանակներս, Մեսսիի համար տարեկան մոտ 54,8 մլն ֆունտ աշխատավարձ է դիտարկում` չհաշված բոնուսները: Արգենտինայի հավաքականի 30-ամյա ֆուտբոլիստն արձակուրդից վերադառնալուց հետո մինչև 2021 թվականը նախատեսված պայմանագիր կկնքի կատալոնական ակումբի հետ: Նոր պայմանագրի համաձայն Մեսսիի հրաժարագինը 300 մլն եվրո կկազմի: