Սերժ Սարգսյանին հանգիստ թողեք. Ռոբերտ Քոչարյան (video)
Եկեք Սերժ Սարգսյանին հանգիստ թողնենք, լրագրողների հետ հանդիպմանն ասաց ՀՀ երկրորդ նախագահ Ռոբերտ Քոչարյանը՝ արձագանքելով դիտարկմանը, թե իր և երրորդ նախագահ Սերժ Սարգսյանի իշխանության գործունեության արդյունքում է երկրում ձևավորվել այս միջավայրը, որում Նիկոլ Փաշինյանի նման գործիչը կարողանում է ընտրվել։
«Սխալ չեն գործում նրանք, ովքեր ընդհանրապես ոչինչ չեն անում։ Ես առնվազն 13 տարի իշխանության մեջ չեմ, մի քիչ դժվար է ինձ լիքը բաների մեջ մեղադրելը, եթե հեշտ լիներ, ապա այս ամեն ինչը՝ պարտությունը, 44 օրը և այլն, իմ վրա կբարդեին։ Պետական համակարգից, քաղծառայության համակարգից այս իշխանությունը քարը քարին չի թողել», - ասաց Քոչարյանը՝ պատասխանելով հարցին, թե ընդունում է մեղավորությունը, որ պետական ինստիտուտներում առաջ են եկել մարդիկ, ովքեր հիմնականում ծառայեցին Նիկոլ Փաշինյանին։
Քոչարյանն ասաց, թե իր համար անսպասելի էր այս վիճակը տեսնել Հայաստանում.
«Ընդունում եմ, որ կրթության և մշակույթի ոլորտներում ինչ-որ բան այն չենք արել»:
Հետևեք մեզ Viber-ում
