Փաշինյանի մեծ «նվերը» Ալիեւին՝գերիների տեսքով

Ադրբեջանի նախագահ Իլհամ Ալիևը մտավախություն է հայտնում, թե հայ գերիներին Հայաստան վերադարձնելով, նրանց հայրենիքում կարող են խոշտանգումների ենթարկել բանտերում:
«Մենք նրանց վերադարձրինք Հայաստան, նրանք ձերբակալեցին։ Հնարավոր է, որ խոշտանգեն այդ մարդկանց։ Մեր նախկին բանտարկյալների ցուցմունքները վկայում են, որ այդ մարդիկ ենթարկվելու են դաժան խոշտանգումների։ Հետևաբար, եթե ավելի շատ մարդկանց վերադարձնենք, նրանք կձերբակալվեն։ Սա իրական փաստ է, և դա կարելի է հաստատել»,- այս մասին հայտարարել է Ադրբեջանի նախագահը El Pais իսպանական թերթի հետ զրույցում։

Նրա խոսքով՝ Ադրբեջանը Հայաստանին է վերադարձրել ավելի քան հարյուր զինվորականների, որոնք Ալիևի խոսքերով հանցագործություն չեն կատարել ադրբեջանցիների դեմ։ «Այստեղ որևէ գաղտնիք չկա։ Ցանկը հայտնի է, միջազգային կազմակերպությունները եւ հայերը գիտեն այդ մասին։ Օրինակ՝ նոյեմբերի կեսերից ավելի քան 30 հայաստանցի զինվորականներ ձերբակալվել են ռազմական սադրանքի ընթացքում։ Նրանցից մեկը վիրավոր էր, և մեր բժիշկները խնամել են նրան, նրան վիրահատել են, եւ հենց նա ապաքինվել է, մենք նրան վերադարձրել ենք», - պատմել է Ադրբեջանի նախագահը՝ շարունակելով․ «Այդ խմբի ևս տասը անդամներ Երևան են վերադարձվել և նրանցից շատերը ձերբակալվել են Երևանում»։

Հիշեցնենք՝ադրբեջանական գերությունից դեկտեմբերի 4-ին հայրենիք վերադարձած 10 գերիներից 4-ը կալանավորվել են նոյեմբերի 16-ին, Սյունիքի ու Վայոց Ձորի սահմանագոտում ծավալված մարտերի ժամանակ դիրքերը իբր թողնելու և փախուստի դիմելու համար:

Փաստացի՝ հայաստանյան ղեկավարության հրապարակային վերջին հայտարարությունները՝ ի դեմս Փաշինյանի, այն նպատակով էին, որ Ադրբեջանի նախագահը միանձնյա տնօրինի հայ ռազմագերիների ճակատագրերը, Նիկոլ Փաշինյանի հայտարարություն, թե գերեվարման յուրաքանչյուր դեպք պետք է պատշաճ հետաքննվի, ԱԺ նախագահ Ալեն Սիմոնյանի ոչ հրապարակային հայտարարությունը՝ գերիներն այն մարդիկ են, որոնք զենքը դրել, փախել ու հայտնվել են գերության մեջ, ավելին ասաց, որ այդ մարդիկ իր համար արդեն չկան։
Փաշինյանն ու իր իշխանությունը, որ գերիների հարցը հմտորեն օգտագործեցին քարոզարշավի ընթացքում հօգուտ իրենց, Փաշինյանը նրանց իր տղայով փոխելու պատրաստակամություն հայտնեց, այդ ժամանակ գերիները նրանց եղբայրներն են, ընտրություններից հետո, երբ հասկացավ, որ ինքը զրո է ու չունի որեւէ լծակ գերիներին Հայաստան վերադարձնելու, նրանց հռչակեց ազգի դավաճան եւ «նվիրեց» Ալիեւին։ Հիմա էլ Ալիեւը բացահայտ ասում է, որ նրանց վերադարձնելը վտանգավոր է, Հայաստանում նրանց համարում են դավաճան, տանում դատում են։ Ի վերջո, չմոռանանք, որ Ալեն Սիմոնյանը ԱԺ բարձր ամբիոնից հերքում էր ՄԻՊ-ին ու նրա զեկույցը, թե Ադրբեջանում մեր գերիներն անասելի կտտանքների ու խոշտանգումների են ենթարկվում։

Անի Սահակյան