Ալիևի շանտաժը, Նիկոլ Փաշինյանի խեղճուկրակ պատասխանը․ խառը լուրեր Բրյուսելից
Բրյուսելում մեկնարկել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը, նշվում է ՀՀ կառավարության պաշտոնական ֆեյսբուքյան էջում:
անդիպմանը նախորդել էին Նիկոլ Փաշինյանի, ինչպես նաև Իլհամ Ալիևի առանձնազրույցները Շառլ Միշելի հետ:
Հանդիպումից առաջ «Ֆեյսբուք»-ի իր էջում գրառում էր կատարել վարչապետ Նիկոլ Փաշինյանը՝ հայտնելով, որ Ադրբեջանը փորձում է փակուղի մտցնել տարածաշրջանային կոմունիկացիաների բացման հարցը։ «Ադրբեջանի նախագահի փորձերը տարածաշրջանային կոմունիկացիաների բացումը զուգահեռել Լաչինի միջանցքի հետ՝ որեւէ աղերս չունի մինչ օրս այդ թեմայով տեղի ունեցած քննարկումների, ստորագրված հայտարարությունների հետ և անընդունելի է Հայաստանի համար։ Այս դիրքորոշումը հստակ կարտահայտեմ այսօր նախատեսված եռակողմ հանդիպման ընթացքում»,- հայտարարել էր Փաշինյանը։
Սրան նախորդել էր Ալիևի հայտարարությունը այպես կոչված Զանգեզուրի միջանցքի մասին, որ նա արել էր ՆԱՏՕ-ի գլխավոր քարտուղար Ենս Ստոլտենբերգի հետ Բրյուսելում կայացած հանդիպման ժամանակ։
«Եթե հայկական կողմից բարի կամքի դրսևորում լինի, մենք կարող ենք սկսել երկու երկրների միջև խաղաղության պայմանագրի վրա աշխատել ու վերջ դնել թշնամանքին»,-ասել էր Ալիևը և մասնավորեցրել, թե
«Զանգեզուրի միջանցքի» բացման առաջարկը ներառված է նախորդ տարվա նոյեմբերի իննի եռակողմ հայտարարության մեջ։ ուստի, ըստ Ադրբեջանի նախագահի, Հայաստանը ստանձնել է պարտավորության պես բան՝ ապահովել բոլոր անհրաժեշտ հարմարությունները:
«Այս փուլում մենք պայմանավորվել ենք երկաթուղային հաղորդակցություն կառուցել Հայաստանի տարածքով Ադրբեջանցից դեպի Նախիջևանի Ինքնավար Հանրապետություն և նաև պայմանավորվել ենք մայրուղու կառուցման շուրջ: Սակայն մայրուղու հստակ ճանապարհը չի որոշվել. դա ապագա քննարկումների հարց է, որն, անկասկած, կքննարկվի այսօր երեկոյան՝ եռակողմ հանդիպմանը: Զանգեզուրի միջանցքի իրավական ռեժիմը պետք է լինի նույնը, ինչ Լաչինի միջանցքինը: Լաչինի միջանցքում մաքսակետեր չկան։ Ըստ այդմ՝ Զանգեզուրի միջանցքում մաքսակետեր չպետք է լինեն։ Եթե Հայաստանը ցանկանա է վերահսկել բեռները և մարդկանց, մենք մաքսակետ կբացենք Լաչինի միջանցքում»,- հայտարարել է Ալիևը։
Բրյուսելի եռակողմ հանդիպման արդյունքների մասին պաշտոնական հաղորդագրություն կեսգիշերից երկու ժամ աննց, դեռևս չկար։
Բայց հանդիպումից առաջ Ալիևի հղած մեսիջները ակնհայտ քաղաքական շանտաժ էր՝ ուղղված Փաշինյանին։ Նա պահանջեց Զանգեզուրի միջանցքը՝ սպառնալով իր պայմանների չընդունման դեպքում մաքսակետ դնել Լաչինում։ Իսկ Փաշինյանի պատասխանն այնքան խեղուկարկ էր, որ անգամ չէր համարձակվել փաստարկված հակադարձել, թե նոյեմբերի 9-ի թղթի մեջ Ալիևի պատկերացրած միջանցքի մասին կետ ներառված չէ։ Փոխարենը այդ նույն նոյեմբերի 9-ի թղթում կետ կա Լաչինի միջանցքի մասին, հետևաբար Ալիևն այնտեղ որևէ մաքսակետ դնելու իրավունք չունի։
Սպասենք Բրյուսելից ակնկալվող խառը հեռագրին՝ հուսալով, որ չենք ստանալու հերթական սև թուղթը։
Հայկ Դավթյան
Հ․Գ․ Նյութն արդեն հրապարկված էր, երբ կեսգիշերից երեք ժամ անց Փաշինյանը հանդիպման մասին կատարեց հետևյալ գրառումը․
ԵՄ խորհրդի նախագահ Շառլ Միշելի եւ Ադրբեջանի նախագահ Իլհամ Ալիեւի հետ եռակողմ հանդիպմանը Ադրբեջանի նախագահի հետ վերահաստատեցինք երկաթուղու վերագործարկման պայմանավորվածությունը։
Ըստ այդմ՝ երկաթուղին կգործի սահմանային եւ մաքսային միջազգայնորեն ընդունված կանոնների համաձայն՝ փոխադարձության սկզբունքով, երկրների ինքնիշխանության եւ իրավազորության ներքո։
Հայաստանը երկաթուղով հասանելիություն կստանա դեպի Իրանի Իսլամական Հանրապետություն եւ Ռուսաստանի Դաշնություն։
Նաեւ պայմանավորվեցինք շարունակել շփումները։
Հետևեք մեզ Viber-ում
