Ավտովթար Տավուշի մարզում. բախվել են Mercedes Vito-ն և Ford Transit-ը. կա 7 վիրավոր. ՖՈՏՈՌԵՊՈՐՏԱԺ

Այսօր՝ հուլիսի 7-ին, ավտովթար է տեղի ունեցել Տավուշի մարզում: Ժամը 05:10-ի սահմաններում Երևան-Իջևան ավտոճանապարհի 110-րդ կմ հատվածում բախվել են Երևան քաղաքի Դավիթ Մալյան փողոցի բնակիչ, 53-ամյա Արթուր Մանուկյանի վարած Mercedes Vito մակնիշի 34 ZT 061 համարանիշի և Տավուշի մարզի Գետահովիտ գյուղի բնակիչ, 25-ամյա Նվեր Դավթյանի վարած Ford Transit մակնիշի 35 AT 772 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes Vito-ի ուղևորներ, Արմավիրի մարզի Ջրաշեն գյուղի բնակիչ, 24-ամյա Խաժակ Սլոյանը, Երևան քաղաքի Սվաճյան փողոցի բնակիչներ, 18-ամյա Արթուր Ներսիսյանը, 39-ամյա Իրինա Ներսիսյանը, Երևան քաղաքի Նոր Նորքի 9-րդ զանգվածի բնակիչ, 65-ամյա Լաուրա Դանիելյանը, Վաղարշապատ քաղաքի բնակիչ, 29-ամյա Հրաչյա Մանուկյանը տեղափոխվել են Դիլիջանի բժշկական կենտրոն, իսկ Ford Transit-ի ուղևորներ, Իջևան քաղաքի բնակիչներ, 25-ամյա Արթուր Մարգարյանը, և 21-ամյա Նարեկ Մարգարյանը մարմնական վնասվածքներով տեղափոխվել են Իջևանի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ դասակի հրամանատար Արա Շահնազարյանի գլխավորությամբ: Վթարի մասին ՃՈ օպերատիվ կառավարման կենտրոնի պատասխանատու հերթապահ Գարիկ Հակոբյանը տեղեկությունը փոխանցել է ոստիկանության Դիլիջանի բաժին, որտեղից ժամանել է օպերատիվ խումբը՝ բաժնի պետ Մովսիսյանի գլխավորությամբ: Փաստի առթիվ ՃՈ հետաքննիչ Պետրոսյանի կողմից նյութեր են նախապատրաստվում: Գ. Շամշյանի տեղեկություններով՝ վիրավորներից Ա. և Ն. Մարգարյանները եղբայրներ են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Կարեն Գրիգորյանի